Адукацыйны цэнтр апытвае бацькоў, якія зацікаўлены ў навучанні па-беларуску
Напрыканцы мінулага года каманда адукацыйнага цэнтра «Крочым разам» пачала працу над праектам анлайн адукацыі для дашкольнікаў.
25.01.2018 / 15:32
Ідэя праекта ў тым, каб стварыць воблачную анлайн-пляцоўку, якая дапамагае атрымліваць якасную беларускамоўную адукацыю. Падрабязней пра праект можна прачытаць у прэзентацыі па спасылцы.
На гэты момант мы пачалі працу над стварэннем метадычных матэрыялаў. Для таго, каб наша праца была якаснай, актуальнай і цікавай для дзетак і бацькоў, мы прапануем усім, хто зацікаўлены ў навучанні дзяцей на роднай мове, узяць удзел у апытанні па спасылцы.