Адгадайце, якую кнігу Шуневіч набыў жонцы на выставе
Міністр унутраных спраў Ігар Шуневіч 28 лютага завітаў на Мінскі кніжны кірмаш. Тут ён набыў некалькі кніг сабе, жонцы і дачцэ.
28.02.2018 / 16:17
Ігар Шуневіч, фота Волі Афіцэравай.
«Прыгледзеў сабе гістарычную літаратуру, у тым ліку па гісторыі Беларусі. Жонцы традыцыйна ўзяў кнігу па кулінарыі, ніколі не бывае шмат навыкаў у гэтай сферы. Ну і, канечне, дачцэ шмат сучасных, развіваючых кніжак», — падзяліўся з намі міністр.
Сярод іншага ён зазначыў, што зачытваецца «Панам Тадэвушам» Міцкевіча, а калі на кнігі зусім не стае часу, то жонка чытае ўслых «Новую зямлю».