Праект партала
Навокал
04.02.2018 / 09:36
Ума Турман нарэшце патлумачыла, чаму лічыць, што Вайнштэйн «не заслугоўвае кулі»20

Галівудская актрыса Ума Турман у інтэрв'ю New York Times распавяла, што стала ахвярай сэксуальных дамаганняў з боку прадзюсара Харві Вайнштэйна. Таксама яна згадала здраду Квенціна Таранціна, праз якую ледзь не загінула ў аўтакатастрофе на здымках «Забіць Біла».

Ума Турман. Фота i.onthe.io.

Турман выказала сваё стаўленне да скандалу вакол Вайнштэйна яшчэ ў мінулым лістападзе, напісаўшы: «Мне падабаецца, што ўсё ідзе павольна — ты не заслугоўваеш кулі».

Тады яна не стала падрабязна расказваць пра свае прэтэнзіі да Вайнштейна, паабяцаўшы зрабіць гэта, калі яе «гнеў крыху сціхне».

У суботу газета New York Times апублікавала вялікі артыкул пад назвай «Вось чаму Ума Турман у лютасці». Ніжэй прыводзім вытрымкі з яго. 

У прыватнасці актрыса сцвярджае, што Вайнштэйн запрасіў яе ў свой нумар у лонданскім гатэлі ў 1990-я гады, штурхнуў на ложак і паспрабаваў распрануць.

Прадстаўнік Харві Вайнштэйна ўжо заявіў, што абвінавачванні ў нападзе на актрысу не адпавядаюць рэчаіснасці.

47-гадовая зорка заявіла, што ў 16 гадоў, на пачатку яе кар'еры, яе згвалтаваў неназваны акцёр, які быў на 20 гадоў старэйшы, чым яна.

«Па сутнасці я была паслухмянай, — расказала яна выданню. — Я спрабавала сказаць не, я плакала, я рабіла ўсё, што магла. Ён сказаў мне, што дзверы зачыненыя, але я не пабегла і не паспрабавала адчыніць».

«Калі я прыйшла дадому, я памятаю, што стаяла перад люстэркам і глядзела на свае рукі. І я была вельмі злая, што на іх не было ні крыві, ні сінякоў», — дадала яна.

Абвінавачванні на адрас Вайнштэйна тычацца часу поспеху фільма «Крымінальнае чытво» 1994 года, які зняў Квенцін Таранціна і спрадзюсаваў Вайнштэйн.

Інцыдэнт, меркавана, адбыўся ў нумары прадзюсара ў лонданскім гатэлі Savoy.

«Ён штурхнуў мяне. Ён спрабаваў залезці на мяне. Ён ішоў на любыя непрыемныя рэчы, — распавяла актрыса. — Аднак у выніку ён усё ж такі не пайшоў да канца і не стаў мяне прымушаць. Ты як жывёла, якая спрабуе выслізнуць, як яшчарка».

Паводле яе слоў, на наступны дзень яна атрымала букет кветак з запіскай: «У цябе выдатныя інстынкты». Пасля асістэнты Вайнштэйна працягвалі тэлефанаваць з прапановамі новых праектах.

Якая рэакцыя Вайнштэйна?

Прадстаўнік Харві Вайнштэйна (сам прадзюсар цяпер праходзіць рэабілітацыю) апублікавала заяву пасля публікацыі артыкула.

У ёй гаворыцца, што каманда прадзюсара звязвалася з New York Times і дасылала здымкі, «якія дэманструюць цесныя сувязі Вайнштэйна і Турман».

У газеце прызналі, што атрымалі «сяброўскія» фота пары на прэм'ерах фільмаў і вечарынках.

«Вайнштэйн прызнаецца ў няёмкай спробе заляцанняў да Турман 25 гадоў таму ў Англіі — пасля няправільнага разумення яе сігналаў, пасля флірту ў Парыжы, — за якую ён неадкладна выбачыўся і пра якую глыбока шкадуе», — гаворыцца ў заяве.

«Аднак яе заявы пра фізічны гвалт не адпавядаюць рэчаіснасці. Падчас няёмкіх заляцанняў Вайнштэйна не было ніякага фізічнага кантакту, і ён засмучаны i збянтэжаны тым, чаму Турман… чакала 25 гадоў, каб апублікаваць гэтыя абвінавачванні», — напісалі прадстаўнікі прадзюсара.

Кадр з фільма «Забіць Біла».

А як жа Квенцін Таранціна?

Турман таксама падрабязна распавяла пра часовы разрыў адносін з рэжысёрам Квенцінам Таранціна, які разам з Вайнштэйнам працаваў над «Крымінальным чытвом» і «Забіць Біла» — самымі паспяховымі карцінамі Турман.

Яна распавяла, што пасварылася з Таранціна праз аварыю на здымках «Забіць Біла». Паводле яе слоў, Таранціна быў у лютасці, што яна хацела выкарыстоўваць каскадзёра падчас здымак сцэны ў кабрыялеце, нягледзячы на магчымую няспраўнасць аўтамабіля. У выніку ён пераканаў яе саму весці машыну. Адбылася аварыя, і актрыса пашкодзіла шыю і калені.

Інцыдэнт паўплываў на адносіны пары. Турман пагражала засудзіць студыю Вайнштэйна, аднак ёй 15 гадоў не давалі доступу да кадраў аварыі.

Таранціна пакуль не каментаваў абвінавачванні актрысы.

Nina.nn.by

каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура