Праект партала
Рост
20.04.2018 / 11:11
Стартаваў кінафестываль «Паўночнае ззянне». ФОТЫ з адкрыцця 2

Фестываль кіно Паўночных і Балтыйскіх краін «Паўночнае ззянне» ужо ў чацверты раз праходзіць у Беларусі. У 2018-м у ім бяруць удзел фільмы з 8-мі краін.

«Паўночнае ззянне» спецыялізуецца на дакументальным кіно. Падтрымку фэсту гэтым годам аказваюць дыпламаты і прадстаўнікі краін-удзельнікаў, а таксама тэлеканал дакументальных фільмаў «Настоящее время».

Дырэктарка фестывалю Вольга Чайкоўская.

Сярод ганаровых гасцей фестывалю — нарвежскі пісьменнік Эрленд Лу.

Слоган «Паўночнага ззяння» сёлета — «змяні вугал зроку». У прома-роліку, знятым арганізатарамі, узяў удзел шведскі дыпламат Магнус Сэтэрберг.

Сам ролік можна паглядзець на сайце «Паўночнага ззяння».

20 красавіка (пятніца)

19:00 — 21:15 — Былая жонка, Швецыя (90 хв.) + Q&A з рэжысёркай Кацяй Вік

21:30 - 22:45 - Паўночнае Дыска Ззянне, Нарвегія (74 хв.)

21 красавіка (субота)

17:00 — 18:30 — Сільвана, Швецыя (90 хв.)

19:00 — 20:30 — DRIB, Нарвегія (88 хв.)

21:00 — 22:55 — Том з Фінляндыі, Фінляндыя (115 хв.)

22 красавіка (нядзеля)

17:00 — 18:30 — Рэвалюцыя конікаў, Фінляндыя (88 хв.)

19:00 — 21:30 — Хронікі Мэлані, Латвія (120 хв.) + Q&A з рэжысёрам Віестурсам Каірышам

21:45 — Савецкія хіпі, Эстонія, (75 хв.)

23 красавіка (панядзелак)

19:00 — 20:30 — Старажытны лес, Літва (85 хв.)

21:00 — 22:31 — Лебедзь, Ісландыя (91 хв.)

24 красавіка (аўторак)

19:00 — 21:15 -Венера, Данія (73 хв.) + дыскусія 60 хв. «Безабаронная» Венера. Размова пра фарміраванне нашых жаданняў. З удзелам прадзюсаркі Кірстын Барфод (Данія), заснавальніцы праекту «Гендарны маршрут» Ірыны Саламацінай, дырэктаркі «Паўночнгаа ззяня» Волі Чайкоўская, паэткі Волі Гапеевай.

21:30 — 22:28 — Пад дрэвам, Ісландыя, 88 хв.

25 красавіка (серада)

19:00 — 21:00 — Канец ланцужка, Эстонія, (81 хв.) + Q&A з рэжысёрам Прыітам Пяясуке

21:30 — 23:22 — Каралеўская змена, Літва (112 хв.)

26 красавіка (чацвер)

19:00 — 20:44 — Загадка маёй маці, Латвія (104 хв.)

21:00 — 22:30 — Дарога, Беларусь, Расія, Сербія, Харватыя, Боснія і Герцэговіна (67 хв.) + Q&A з прадзюсаркай Воляй Чайкоўскай.

Акрамя гэтага, на «Паўночным ззянні» будзе шмат крутых культурных івэнтаў. Публікуем інфармацыю пра іх асобна:

21 красавіка (субота)

14:00 — 16:00 Лекцыя Каці Вік (Швецыя), «Як праца з Рубэнам Эстлундам і Роем Андэрсанам натхняе на здымкі свайго фільма» (пра ўласную рэжысёрскую працу і працу кастынг-дырэктаркай для фільмаў культавых рэжысёраў). Месца: УДАКЛАДНЯЕЦЦА.

22 красавіка (нядзеля)

13:00 — 14:30 Камерны канцэрт класічнай скандынаўскай і балтыйскай музыкі ў выкананні калектыву «Бон Ваяж». Месца: Art-Belarus. Уваход: 5 BYN

20:00 — 21:30 Арганны канцэрт «Вясновая песня». Класічная нардычная і балтыйская музыка і музыка з сусветнага кінематографа ў выкананні арганісткі з Фінляндыі Юліі Тамінен і калектыву «Бон ваяж» Месца: касцёл Святога Роха. Уваход вольны.

23 красавіка (панядзелак)

14:00 — 16:00 Майстар-клас латвійскага рэжысёра Віестурса Каірыша «Як сумяшчаць працу рэжысёра ў кіно і тэатры». Месца: Акадэмія мастацтваў (Чычэрына, 1).

24 красавіка (аўторак)

14:00 — 16:00 Майстар-клас эстонскага рэжысёра Прыііта Пяясукэ «Як сабраць грошы на поўнаметражны індзі-фільм на краўдфандынгу і атрымаць адмову ад Арва Пярта». Месца: Акадэмія мастацтваў (Чычэрына, 1).

19:00 — 20:15 Венера, Данія (73 хв.) + 20:15-21:15. Talk-дыскусія «Безабаронная Венера» з удзелам прадзюсаркі Кірстын Барфод і беларускіх рэжысёрак, арт-актывістак і медыя. Месца: к/т «Мір». Пры падтрымцы Moonlightroom

26 красавіка (чацвер)

17:00 — 18:30 Talk «Матывы скандынаўскага дызайну ў беларускай гарадской прасторы» Месца: Moonlightroom. Уваход: па папярэдняй рэгістрацыі.

Воля Афіцэрава

каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура