Герцаг і герцагіня Кембрыджскія апублікавалі першыя дамашнія здымкі нованароджанага прынца Луі, на адным з якіх яго цалуе старэйшая сястра прынцэса Шарлота, паведамляе Бі-Бі-Сі.
Фота зроблена 2 мая — у трэці дзень народзінаў Шарлоты.
На другім фота, зробленым 26 красавіка, прынцу Луі ўсяго тры дні.
Прынц Джордж, якому ў ліпені споўніцца пяць гадоў, на гэты раз на фота не трапіў.
Аўтарка двух здымкаў — сама Кейт, герцагіня Кембрыджская.
Прэс-служба Кенсінгтанскага палаца паведаміла, што прынц Уільям і Кэтрын былі рады падзяліцца гэтымі дзіцячымі фота.
«Іх каралеўскія высокасці хочуць падзякаваць простым жыхарам за атрыманыя цёплыя пажаданні пасля нараджэння прынца Луі і да дня нараджэння прынцэсы Шарлоты», — гаворыцца ў паведамленні.
Прынц Луі з'явіўся на свет 23 красавіка ў лонданскай лякарні Сэнт-Мэры ў Падынгтане. Гэта трэцяе дзіця герцага і герцагіні Кембрыджскіх.
Nina.nn.by
«У Мінску можна арганізаваць спатканне ў той жа вечар, толькі калі паабяцаеш сэкс». Плюс-сайз мадэль пра тое, як шукае пару ў інтэрнэце
«Гэта пекла — выбіраць помнік свайму 8-месячнаму дзіцяці». Шчыры маналог Карыны, чый муж выкінуўся з дачкой з 24 паверха на Грыбаедава
Фіналістка «Міс Беларусь» пайшла шукаць каханне на рэаліці-шоу «Халасцяк»
