Праект партала
Навокал
22.06.2018 / 07:58
У інтэрнэце ўсе абмяркоўваюць куртку Меланіі Трамп, у якой яна паехала да дзяцей-мігрантаў ФОТА15

Жонка прэзідэнта ЗША Дональда Трампа Меланія падвергнулася рэзкай крытыцы за выбар курткі, у якой яна адправілася ў Тэхас, каб наведаць цэнтр, дзе ўтрымліваюцца дзеці нелегальных мігрантаў. На спіне курткі вялікімі літарамі было напісана «Мне праўда ўсё роўна, а вам?» («I really do not care do u?»).

Getty Images

Прэс-сакратар першай лэдзі, якая да шлюбу з Трампам шмат гадоў займалася мадэльным бізнэсам, заявіла, што ніякага схаванага сэнсу ў выбары адзення не было.

У чацвер Меланія наведала цэнтр у Тэхасе, дзе ў асноўным ўтрымліваюцца непаўналетнія мігранты, якія прыбылі ў краіну нелегальна і без бацькоў, хоць там таксама ёсць і некалькі дзяцей, адабраных у бацькоў на мяжы. Яна заявіла, што хацела б дапамагчы ў справе ўз'яднання сем'яў.

Але куртка ад фірмы Zara коштам 39 даляраў выклікала буру абурэння ў сацсетках.

Сам Дональд Трамп пазней напісаў у твітары, што пасланне на куртцы «адносіцца да СМІ, якія публікуюць фэйкавыя навіны».

«Меланія зразумела, наколькі яны хлуслівыя, і цяпер ёй насамрэч усё роўна!» — напісаў прэзідэнт.

Аднак тысячы карыстальнікаў твітара адразу ж сталі крытыкаваць Меланію Трамп і яе не занадта завуаліраванае пасланне.

«Меланія, якая адправілася на мяжу ў куртцы з надпісам «Мне ўсё роўна», — гэта, бадай, самы адарваны ад рэальнасці ўчынак з часоў Марыі-Антуанеты» — напісаў адзін з карыстальнікаў.

Reuters.com

«Надзень Меланія гэтую куртку практычна ў любы іншы дзень, фатаграфію б рэтвітнулі не менш за 80 тысяч чалавек, проста дадаўшы «Мне таксама».

Праз некалькі гадзін пасля таго як Меланія Трамп ўзышла на трап самалёта ў гэтай куртцы — і ў сацсетках імгненна вылілася бура крытыкі, — яна прызямлілася ў Тэхасе і сышла па трапе ўжо ў іншай куртцы.

Getty Images

Яна ніяк не адрэагавала на пытанні журналістаў.

Прэс-прадстаўніца Меланіі Трамп ў тым жа «твітары» абрынулася на амерыканскую прэсу за тое, што журналісты надаюць занадта шмат увагі гардэробу Меланіі, а не самой паездцы.

«Сённяшняя сустрэча з дзецьмі ў Тэхасе была вельмі плённая. Калі б СМІ трацілі больш часу і намаганняў, распавядаючы пра тое, што яна робіць, і пра яе спробы дапамагчы дзецям, а не на абмеркаванне яе адзення, то мы б дасягнулі нашмат большага для гэтых дзяцей», — гэты твіт Стэфані Грышам забяспечыла двума хэштэгамі #Ённеўсёроўна» і # Гэтапростакуртка.

Меланія Трамп зноў надзела куртку Zara, прызямліўшыся ў Вашынгтоне.

Кэці Кэй, Бі-бі-сі, Вашынгтон

Надпіс на спіне курткі Меланіі Трамп рызыкуе зацямніць сам яе візіт на мяжу з Мексікай.

Складана выказаць здагадку, што першая лэдзі паехала б у Тэхас, наведала там дзяцей, якія знаходзяцца ў зняволенні, паразмаўляла з персаналам і наогул занялася б гэтай гісторыяй — толькі для таго каб наўмысна фактычна звесці ўсе гэтыя высілкі да такога памылковага выбару адзення.

Не вельмі зразумела, як звычайна ўважлівая да дробязяў служба пратаколу Белага дома магла дапусціць такі агрэх, але гэта відавочная памылка апарата першай лэдзі.

Так, яна вядомая тым, што здольная ставіцца да людзей са спачуваннем, але калі яна без ваганняў вырашыла надзець у паездку гэтую куртку, гэта сапраўды дэманструе яе адарванасць ад рэальнасці.

Паводле Бі-бі-сі

каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ2 матэрыяла Шура-бура