17-гадовая Супатра Сусуфан з Тайланда, прызнаная ў 2010 годзе «самай валасатай дзяўчынай у свеце» па версіі Кнігі рэкордаў Гінеса, выйшла замуж. Пра гэта паведамляе выданне Metro.

Фота Daily Mail.

Сусуфан з Бангкока з дзяцінства пакутуе ад рэдкага захворвання — сіндрому Абрамса, таксама вядомага як гіпертрыхоз або сіндром пярэваратня. З часоў Сярэднявечча было вядома толькі пра 50 такіх хворых. У гэтых людзей па ўсім целе растуць густыя валасы за выключэннем далоняў і ступняў.

У дзяцінстве Сусуфан спрабавала рабіць лазерную эпіляцыю, але яна не дапамагла. Нейкі час яна перастала змагацца з валасамі на твары, аднак пасля вяселля пачала галіцца. Пра свайго мужа яна кажа так: «Ты не толькі мой першы мужчына, але і каханне ўсяго майго жыцця».

Nina.nn.by