Лонданская кавярня The Tea Terrace прапануе сваім гасцям «сэлфічына» — каву ці какаву з партрэтам на малочнай пене. Пра гэта піша Reuters.
Каб барыста выканаў замову, трэба адправіць яму ў месенджар сэлфі. Фота загружаюць у спецыяльную кава-машыну Cino з друкаркай.
Працэс падрыхтоўкі займае ўсяго чатыры хвіліны. Каштуе кубак кавы з аўтапартрэтам каля $7,5.
«Сацсеткі цалкам перавярнулі ўяўленне пра ежу, — кажа ўласнік кавярні Эхаб Салем Шоўлі. — Цяпер недастаткова смачнай ежы і выдатнага сэрвісу — трэба рабіць прадукт для інстаграм-пастоў».
Сэлфічына, дарэчы, карыстаецца попытам. За тыдзень наведнікі замовілі каля 400 кубкаў.
Nina.nn.by