Журналісткі, якія пішуць пра спорт, запусцілі кампанію «Дай ёй працаваць» (#DeixaElaTrabalhar). Такім чынам яны хочуць звярнуць увагу на пагрозы і непрыемныя каментары, якія ў іх бок адпускаюць мужчыны-заўзятары падчас выканання іх прафесійных абавязкаў, а калегі дазваляюць сабе прыставанні, піша BBC.
«Мы жанчыны і прафесіяналы. Мы проста хочам спакойна працаваць. Гэта не проста мачызм. Гэта гвалт», — выказаліся дзяўчаты.
Жанчын падтрымалі спартыўныя клубы, а іх пратэстны ролік паказалі падчас футбольнага матчу на найбуйнейшым стадыёне краіны «Маракана» ў Рыа-дэ-Жанейра.
У дзень запуску кампаніі ў горадзе Порту-Алегры на поўдні Бразіліі затрымалі мужчыну, які адпускаў сэксісцкія каментары ў бок журналісткі канала RBS TV Кэлі Косты.
Nina.nn.by